Монгол Улсын Ерөнхийлөгч Ухнаагийн Хүрэлсүх “Цагаан алт” үндэсний хөдөлгөөний хүрээнд “Ханбогд кашимер” ХХК-д ажиллалаа.
1998 онд байгуулагдсан “Ханбогд кашимер” ХХК 700 орчим ажилтантай. Жилд 1,500 гаруй тн самнасан ноолуур боловсруулж, 300 мянга гаруй ширхэг сүлжмэл, мөн тооны нэхмэл, оёмол бүтээгдэхүүн үйлдвэрлэн дотоод, гадаадын зах зээлд нийлүүлдэг. Тус үйлдвэр Англи, Итали, Хятад, Герман, Энэтхэг, Япон, Солонгос, Канад, АНУ, Чех улсад ноолуураа экспортлодог бөгөөд 2019 онд сүлжмэл болон самнах үйлдвэрийн шинэ барилгыг ашиглалтад оруулж, Итали, Япон, Герман улсын дэвшилтэт технологитой орчин үеийн тоног төхөөрөмжөөр үйлдвэрлэлийн хүчин чадлаа бүрэн шинэчилсэн байна.
“Цагаан алт” үндэсний хөдөлгөөний хүрээнд "Ханбогд кашимер" ХХК ноос, ноолуур, боловсруулах түвшинг нэмэгдүүлж, нэмүү өртөг шингэсэн эцсийн бэлэн бүтээгдэхүүн үйлдвэрлэх, экспортыг нэмэгдүүлэх, эргэлтийн хөрөнгө түүхий ноолуур худалдан авах чадамжийг дээшлүүлэх, ажлын байрыг нэмэгдүүлэх зорилт тавьсан талаар танилцуулав.
Тус компани нийт 117 тэрбум төгрөгийн хөрөнгө оруулалт хийж, түүхий эдээ бэлтгэн, тоног төхөөрөмжөө шинэчлэн, барилга байгууламж, үйлдвэрийн орчноо сайжруулан, агуулахаа өргөтгөжээ. Үүнээс 65 тэрбум төгрөгийн эргэлтийн хөрөнгийн зээлийг “Цагаан алт” үндэсний хөдөлгөөний хүрээнд авч 300 тн түүхий ноолуур худалдан авсан байна. Харин үлдсэн 50 тэрбум төгрөгийн хөрөнгө оруулалтыг өндөр хүүтэй банкны зээлээс бүрдүүлсэн талаар тус компанийн Ерөнхий захирал, Монгол Улсын Хөдөлмөрийн баатар Ч.Ганцэцэг танилцуулж байлаа. Тухайлбал өнгөрсөн онд 6,480 м² талбай бүхий үйлдвэрийн 8 давхар өргөтгөл, үйлчилгээний цогцолбороо ашиглалтад оруулсан байна.
Түүнчлэн “Ханбогд Кашимер” ХХК 2024 оноос эрчим хүчний алдагдлыг бууруулж, зөв зохистой хэрэглээг төлөвшүүлэх, сэргээгдэх эрчим хүчийг ашиглах замаар нийт цахилгаан хэрэглээний 25–35 хувийг нарны цахилгаан үүсгүүрээр ханган ажиллаж байгаа гэв.
Компанийн удирдлага "Цагаан алт" үндэсний хөдөлгөөн ноос, ноолуур, арьс ширний салбарын хувьд сүүлийн 30 жилийн хугацаан дахь хамгийн том, бодит үр дүнтэй төрийн дэмжлэг болж байгааг тодотгон, цаашид тууштай үргэлжлүүлэн хэрэгжүүлэх, мөн хөнгөлөлттэй, уян хатан нөхцөлтэй Нийгмийн даатгалын шимтгэлийн тогтолцоог нэвтрүүлэх зэрэгт бодлогын дэмжлэг үзүүлэхийг хүслээ.
Ерөнхийлөгч У.Хүрэлсүх малчид, нийлүүлэгчидтэй хамтран ажиллаж, олон арван ажлын байр бий болгон, татвараа төлж байгаа компанийн хамт олонд талархал илэрхийллээ.
“Цагаан алт” үндэсний хөдөлгөөний хүрээнд өнгөрсөн онд 100 орчим аж ахуйн нэгж 520 тэрбум төгрөгийн хөнгөлөлттэй зээл авсан юм.
Үүний дүнд үйлдвэрүүдийн ээрэхийн хүчин чадал гэхэд л 400 тн-оор нэмэгдэж 2,000 гаруй тн болсон. Мөн самнасан ноолуурын экспорт өмнөхөөс зургаа дахин нэмэгдэж 4,000 тн-д хүрээд байна. Энэ нь 330 сая ам.долларын экспорт хийсэн гэсэн үг юм.
Энэ онд ноолуурын салбарт үйл ажиллагаа явуулдаг аж ахуйн нэгжүүдэд 450 тэрбум төгрөгийн хүү багатай, урт хугацаатай хөнгөлөлттэй зээл олгохоор төлөвлөөд байна.
Хөтөлбөрийн үндсэн чиглэл, зорилго, хэрэгжүүлэх үйл ажиллагааны товч мэдээлэл
Шинэ мэдээМалын гаралтай түүхий эдийн үнэ цэнийг нэмэгдүүлэх, хаягддаг биш үйлдвэрийн процесст оруулж эдийн засгийн үр өгөөжийг тэлэх мал аж ахуйн кластер төсөл болох "Эмээлт эко аж үйлдвэрийн парк"-ийн суурь дэд бүтэц буюу Дулааны цахилгаан станц, Бохир ус цэвэрлэх байгууламжийн барилга угсралтын ажлыг эхлүүлэх шав тавих ёслол 2026.09.21 боллоо.
Шинэ мэдээМонгол Улсын Ерөнхийлөгчийн Төсөл хөтөлбөрийн зохицуулалт, иргэний нийгмийн бодлогын зөвлөх Б.Жавхлан “Цагаан алт” үндэсний хөдөлгөөний дэмжлэгтэй хэрэгжиж буй "Дархан минж" ХХК-ийн “Монжелат” төслийн үйлдвэртэй танилцлаа.
Шинэ мэдээМонгол Улсын Ерөнхийлөгчийн Төсөл хөтөлбөрийн зохицуулалт, иргэний нийгмийн бодлогын зөвлөх Б.Жавхлан “Дархан Нэхий” ХК-д ажиллаж, “Цагаан алт” үндэсний хөдөлгөөний хүрээнд хэрэгжүүлсэн шинэчлэл, шинэ бүтээгдэхүүнтэй танилцлаа.
Шинэ мэдээМонгол Улсын Ерөнхийлөгчийн Төсөл, хөтөлбөрийн зохицуулалт, иргэний нийгмийн бодлогын зөвлөх Б.Жавхлан Сэлэнгэ аймгийн Орхон суманд "Орхон" үүлдрийн хонины цөм сүргийг үржүүлж буй малчин өрх Э.Атарболдынд зочиллоо.
Шинэ мэдээМонгол Улсын Ерөнхийлөгчийн Төсөл хөтөлбөрийн зохицуулалт, иргэний нийгмийн бодлогын зөвлөх Б.Жавхлан Хөдөө аж ахуйг хөгжүүлэх Олон улсын сан (IFAD-International Fund for Agricultural Development)-гийн Ази, номхон далайн бүсийн Байгаль орчин, уур амьсгалын асуудал хариуцсан төлөөлөгч хатагтай Анупа Римал Ламичайн (Anupa Rimal Lamichhane) болон НҮБ-ын Аж үйлдвэрийн хөгжлийн байгууллага (UNIDO-United Nations Industrial Development Organization)-ын Монгол дахь хөтөлбөрийн зохицуулагч хатагтай Г.Мөнхболор нартай уулзалт хийлээ.
Шинэ мэдээМонгол Улсын санаачилгаар дэлхий нийтээр 2026 оныг "Бэлчээр ба нүүдлийн мал аж ахуй эрхлэгчдийн олон улсын жил" болгон зарлах тогтоолыг НҮБ-ын Ерөнхий Ассамблейгээс баталж, одоогийн байдлаар дэлхийн 102 гаруй улс, 550 гаруй байгууллага дэмжиж нэгдээд байна.
Шинэ мэдээДархан-Уул аймгийн Оёдол үйлдвэрлэлийн мэргэжлийн "Найрамдал" холбооноос санаачлан "Дарханд үйлдвэрлэв – Дарханаараа хэрэглэе" төр, хувийн хэвшил, төрийн бус байгууллагын хамтын ажиллагааг өргөжүүлэх зөвлөлдөх уулзалт, хэлэлцүүлэг, үзэсгэлэн худалдаа, загварын үзүүлбэрийг зохион байгууллаа.
Шинэ мэдээМонгол Улсын Ерөнхийлөгч У.Хүрэлсүхийн санаачилсан "Цагаан алт" үндэсний хөдөлгөөний хүрээнд ХХААХҮЯ, “Хөдөө аж ахуйн бирж” ТӨХХК, Монголын арьс ширний үйлдвэрлэлийн холбоо төр, хувийн хэвшлийн түншлэлээр таван аймагт түүхий эдийн анхан шатны төвүүдийг байгуулан үйл ажиллагаа нь эхлээд байна.
